بحبك
وبعلو صوتي هفضل أنادي
بحبك بحبك
يا بلادي
برغم قسوتك عليا و على ولادي
و برغم هجرك لشبابك اللي بيهاتي
و برغم انك أمي..مني بعدتي يا بلادي
وحشني ليلك اللي كله حياه
مع ان قلوب شبابك من غير حياه
شبابك اللي شاب قبل الاوان و قال الآه
و بدموعه روى ارضك و انتي و لا حساه
و لا احكي عن عم صابر و ام هاني
اللي بيقولك يابلدي فاكراني و لا ناسياني
ده انا شقيان من يوم ما وعيت لزماني
و بحبك مع انك بايعاني
و لا ابنك اللي في الغربه بيبكي
نفسه يرجع طفل تاني و يبقى بين ايديكي
ده اللي بعد عن عنيكي
و الناس حاسداه و لا حاسه بحنينه ليكي
قالوا اتعودت عالغربه ..بس انا بيكي
بحس ان ليا مكان و ان كان ..تحت رجليكي
و ارجع و انادي
بصوتي و صوت ولادي
بحبك بحبك آه يا بلادي
.jpg)