مستنيه

وقفت في المغربيه مستنيه

مرسايا يرجع ليا

و اتاري مرسايا و شطي

و لا فكر يوم يخطي

بعتت جواب و اتنين بخطي

و هو سواح لا بيسأل و لا بيعدي

اعمل ايه في قلبي العاشق مش بيدي

بعشقه حتى لو بعد عن ارضي

و احبه و بدمع سايل على خدي

بتمنى يرجع لحضني

و ما ابقاش وحدي

في ليل البعد تاه و نسي وعده

و اكن اللي كان كان فيه لوحده

ليه ينسى البذره اللي زرعها بيده

و سابها تموت لوحدها في بعده

و فضلت عالرمله مستنيه

و لقيت نور الفجريه

بيصحيني و يقولي يا بنيه

قومي خايف تخلص حياتك

و انت عالشط .... مستنيه